जापानको ट्रेनमा हुने भिडभाडबाट दिक्क भएकाहरुलाई खुसीको खबर, अब बन्नेछ यस्तो केबल कार

 

प्रकाशित मिति : मङ्लबार, बैशाख २८, २०७८

खानागावा/जापान । जापानको मुख्य/मुख्य सहरहरुमा कार्यरत हरेक मानिसहरु दैनिक कार्यलय जाने तथा घर फर्किने समयमा सार्वजनिक सवारी साधन( ट्रेन/बस)मा हुने भिडभाडबाट आजित हुने गर्दछन् ।

 

अझ कोरोना संक्रमणको यो महामारीमा अफिस आवरमा ट्रेन चढ्नुपर्दा,संक्रमित हुने उच्च जोखिम समेत रहेको छ । किनकि जापानमा आपतकालिन् अवस्था घोषणा गरिएता पनि सार्वजनिक सवारी साधनहरुमा भिडभाड खासै घट्न सकेको छैन ।

 

टोकियो, खानागावा, चिबा, ओसाका, फुकुओका, ओसाका जस्ता प्रान्तहरुको मुख्य/मुख्य सहरहरुमा हुने अत्यधिक सवारी चापलाई मध्येनजर गर्दै अव रेल/वस सेवाका अलवा रोपवेको विकल्प खोजिन थालिएको छ । यदि हालका ट्रेन/तथा पस रुटका अलवा रोपवे विस्तार भएमा सार्वजनिक सवारी साधनमा हाल कायम चाप केहि मत्थर हुने अपेक्षा गरिएको छ ।

 

एक कम्पनीले विद्युतिय रोपवे ‘जिप्पर’बारे सरोकारवाला निकाय समक्ष एक प्रस्ताव प्रस्तुत गरेको छ । एउटा कारमा १२ जनासम्म बोक्न सक्ने यस्ता ‘जिप्पर’ संचालनमा आए, सार्वजनिक आवाजजावतमा केहि भिडभाड कम हुने अपेक्षा गरिएको छ ।

ज़िप इन्फ़्रास्ट्रक्चर कम्पनीका अध्यक्ष ताकामासाका अनुसार हाल खानागावा प्रान्तको ओदावारामा परिक्षण गरिएको छ । यो प्रणालीलाई सन २०२५ सम्ममा कार्यन्वयन गराउने योजना रहेको छ । यदि यो स्विकृत भए केहि सार्वजनिक यात्रामा केहि खुकुलोपना महशुस हुनेछ ।