संक्रमण काे संख्या बढिरहेको हुदा जापानभर आपतकाल घाेषणा,

 

फुकुओका, जापान ।

कोभिड-१९ संक्रमण बृद्धिका कारण घोषित आपतकाल आईची र फुकुओका प्रान्तमा मे १२ अर्थात् आजबाट सुरु भएको छ । आपतकाल मे महिनाको ३१ तारिखसम्म लागू हुनेछ ।

संक्रमणको स्थितिमा कुनै उल्लेखनीय सुधार नआएका कारण तथा टेलिवर्कलाई बढावा दिन र मानिसहरुको बाहिरि वहावलाई कम गर्न आपतकाल विस्तार गरिएको सरकारले बताएको छ ।

टोकियो, ओसाका, ह्योगो र क्योतोमा विस्तार र १२ तारिखबाट आइची र फुकुओका प्रान्त थप गरी जापानमा आपतकाल लागू भएको प्रान्तको संख्या ६ पुगेको छ ।

यसैगरि अर्ध आपतकालिन अवस्थाको रुपमा चिनिएको प्रसार रोकथाम जस्ता प्राथमिकता उपायहरू होक्काईदो, गिफु र मिए प्रान्तमा विस्तार गर्दै ८ प्रान्त पुर्याईएको छ । यहाँ पनि प्राथमिकताका उपायहरु मे ३१ सम्मनै लागू हुनेछ ।

जापानमा पछिल्लो कोरोना भाइरस संक्रमण तथ्यांक अनुसार मे ११ तारिखमा ६२ सय ४२ पुष्टि हुँदा टोकियो ९२५, ओसाका ९७४ पुष्टि भएको छ । ओसाकामा ११ तारिखनै अहिलेसम्मकै सर्वाधिक ५५ जनाले एकैदिन ज्यान गुमाएको रेकर्ड दर्ता भएको छ ।

संक्रमणको स्थितिमा कुनै उल्लेखनीय सुधार नभएको अवस्थामा १० तारिख राष्ट्रिय गभर्नर 

एसोसिएसनको बैठकमा देशभरि नै आपतकालिन अवस्था घोषणा गर्नका लागि आह्वान गरिएको छ । नागासाकी र कुमामोतोले नयाँ प्राथमिकताका उपायहरू थप गरेका छन् । अन्य कयौं प्रान्तहरुले अर्ध आपतकालिन उपायधको लागि अनुरोध र धेरै अन्य प्रान्तहरू अनुरोध विचार गर्ने तयारीमा रहेको बताईएको छ ।

सरकारले आपतकालिन अवस्था घोषणा राष्ट्रव्यापी रूपमा फैलाउने अवस्थामा छैन, तर संक्रमित व्यक्तिको संख्या बढिरहेको क्षेत्रहरूमा संक्रमण अवस्था र बेड अवस्थाको विश्लेषण गरेर आवश्यक भएमा प्राथमिकताका उपायहरू लागू गर्ने नीति रहेको बताएको छ ।