जापान क्वारिन्टिन नियम नमान्नेको नाम सार्वजनिक गर्दै,यसमा नेपालीनै यतिधेरै पर्ने अनुमान ?

 

टोकियो, जापान ।

जापानको स्वास्थ्य मन्त्रालयले केही त्यस्ता व्यक्तिहरु जसले जापान प्रवेशपछि क्वारिन्टिन नियम उल्लंघन गरेका छन् तिनिहरुको नाम सार्वजनिक गर्ने तयारी गरेको छ ।

मन्त्रालयका अनुसार बिदेशबाट आएर १४ दिनको क्वारिन्टिन नियम पालना नगर्नेहरुको नाम सार्वजनिक गर्न लागिएको हो । प्रतिबद्धता बिपरित स्मार्टफोन एप तथा अन्य माध्यमबाट उनिहरुले नियमित जानकारी गराउनुपर्ने विवरण नदिएका तथा नियम उल्लंघन गरेको पाइएकाहरुको नाम सार्वजनिक गर्ने अन्तिम तयारीमा रहेको मन्त्रालयले बताएको छ ।

मन्त्रालयका अनुसार करिव १०० जना यस्ता नियमानुसार जानकारी नगराउने वा उल्लंघन गर्नेहरुको विवरण पहिलो चरणमा सार्वजनिक गर्न लागिएको छ । अधिकारीहरुले त्यस्ता नियम उल्लंघन गर्ने दोसीहरुको नाम अनलाईनमा सार्वजनिक गर्ने तयारी गरेका छन् । जुन विवरण सबैले हेर्न सक्नेछन् ।

मन्त्रालयले अधिकारीहरुलाई नियम पालना नगर्नेहरुको नाम सार्वजनिक गर्न अधिकार प्रत्यायोजन गरेको छ । सोही अनुसार अधिकारीहरुले प्रतिबद्धता जनाएर नियमित जानकारी उपलब्ध नगराउने तथा उल्लंघनगर्नेहरुको नाम अनलाईनमा राख्न तयार पारेको हो ।

अधिकारीहरुले हालसम्म यसरी नाम सार्वजनिक हुँदा व्यक्ति आलोचनाको शिकार वा अपमान नहोउन् भनेर रोकेपनि उल्लंघनकर्ताहरु बढेकाले बाध्य भएर नाम सार्वजनिक गर्न लागेको बताएका छन् ।

विश्वभर फैलिरहेको अनेक प्रकारका संक्रामक भाइरस नियन्त्रणको लागि मन्त्रालयले नयाँ तथा थप कडा कदम चाल्ने योजना बनाइरहेको छ । मन्त्रालयले केही त्यस्ता व्यक्तिहरुको नाम पनि विशेष सार्वजनिक गर्दैछन् जो जापान प्रवेशपछि १४ दिन नियमित आफ्नो स्वास्थ्य अवस्थाबारे जानकारी गराउनुपर्नेमा सम्पर्क बाहिर रहेर बेखवर भएका छन् ।

नियम उल्लंघन गर्ने कति जनाको नाम आउला ?

पछिल्लो समय जापानको स्वास्थ्य मन्त्रालयले कोरोना भाइरस रोकथामका लागि सिमा नियन्त्रण उपायहरु कडा बनाउँदै नेपाल सहित करिव एक दर्जन एशियाली देशबाट जापान प्रवेशमा रोक लगाएको छ ।

विश्वभरबाट आउने यात्रुलाई बिमानस्थलमा नै अनिवार्य नियम पालना गर्ने प्रतिबद्धतामा हस्ताक्षर गराएर मात्र प्रवेश दिइरहेको जापानले नियम उल्लंघन गरे देश निकाला गर्नेसम्मको नियम लागू गराएको छ ।

सोही अनुसार स्वास्थ्य, श्रम तथा कल्याण मन्त्रालयले पहिलो चरणमा चेतावनी पूर्वक जापान प्रवेशपछि १४ दिनको क्वारिन्टिन नियम नमान्ने लगभग १०० जनाको नाम केहीदिन भित्रै सार्वजनिक गर्न लागेको जनाएको हो ।

नेपालबाट पछिल्लो पटकका एकै उडानमा दर्जनौं व्यक्तिमा कोरोना संक्रमण पाइएको थियो । त्यसबाहेक जापान प्रवेशको हप्तादिनपछि समेत कयौं व्यक्तिमा संक्रामक भाइरस संक्रमण फेला परेको समाचार सार्वजनिक भएको छ ।

यस बाहेक १४ दिन क्वारिन्टि बस्नुपर्ने समयमा काममा जाने, नीजि कार्यालय वा रेष्टुरेण्ट भएकाहरु पुगेको तथा बजार तथा भेटघाटमा समेत जाने गरेको नेपाली समुदायमा पाइएको छ ।

यस आधारमा पनि जापान सरकारले सार्वजनिक गर्न लागेको क्वारिन्टिन नियम नमान्ने १०० जनाको सूचिमा कम्तिमा एक दर्जन नेपाली पर्ने अनुमान गरिएको छ ।