टोकियो/जापान। जापानको
टोकियोमा ईन्डियन म्युटेन्ट भाईरस (अहिले ईन्डियामा माहमारीको रुपमा फैलिईरहेको
नयाँ प्रकारको ) का बिरामी पुष्टि भएको छ ।
बिहिबार टोकियो महानगरको
कोरोना मनिटरिङ बैठकमा जानकारी गराईए अनुसार टोकियोमा ५ जनामा उहि प्रकारको कोरोना
भाईरस संक्रमण पुष्टि भएको छ । अप्रिल ३० देखि थालिएको मनिटरिङ परिक्षणमा ६
तारिखसम्ममा ५ जनामा उक्त प्रजातीको भाईरस देखिएको हो । विज्ञहरुका अनुसार यो
म्युटेन्ट कोरोना भाईरस विगतका तुलनामा अत्यन्तै छिटो, प्रसार हुनेगर्दछन् भने, यो निकै नै कडा प्रकृतीको पनि छ, जस्ले भारतमा दैनिक लाखौँ मानिसलाई संक्रमण गरिरहेको छ भने,
हज्जारौँको निधन भईरहेको छ ।
यो संगै टोकियोमा,अर्को अत्यन्तै छिटो सर्ने N501Y प्रजातीको कोरोनाको संक्रमण बढ्दै गएको छ ।
मनिटरिङ बैठकमा बताईए अनुसार अहिले टोकियोमा पछिल्ला दिनहरुमा पुष्टि भएका मध्ये
झण्डै ६८ प्रतिशतमा यस किसिमको भाईरसको संक्रमण देखिएको छ । यदि तत्काल नियन्त्रणका
थप प्रभावकारी उपायहरु कार्यन्वयनमा ल्याउन नसके, अवस्था नसोचेको मोडमा पुग्नसक्ने चिन्ता थपिदिएको छ ।
Comments
Post a Comment