टोकियो, जापान ।
जापानमा मे ७ तारिख
कोभिड-१९ संक्रमण सुरुभए यता एकैदिन हालसम्मकै धेरै ब्यक्तिको निधन भएको छ ।
देशभर गरेर शुक्रबार १४८
जना कोरोनाका बिरामीको निधन भएको यहाँको स्वास्थ्य मन्त्रालयले बताएको छ ।
यसमा सबैभन्दा धेरै ओसाका
प्रान्तमा ५० जनाको कोरोना संक्रमणबाट मृत्यु भएको छ ।
यसैगरी ह्योगो प्रान्तमा
अहिलेसम्मकै सर्वाधिक ३९ जनाको शुक्रबारनै कोरोनाले ज्यान लिएको छ ।
यस बाहेक चिबा ७, टोकियो र
खानागावा ६ तथा होक्काइदो, नारा र फुकुओकामा समान ४/४ जनाको निधन भएको छ ।
रात ९ बजेसम्ममा देशभर ६
हजार ५७ जना नयाँ कोरोना संक्रमित पुष्टि भएका छन ।
देशका सबै ४७ प्रान्तमा
कोरोना संक्रमित पाइएको र सबैभन्दा बढी ओसाकामा १ हजार ५ रहेको छ ।
जापानको हालसम्मको विवरण
अनुसार कुल संक्रमित ६ लाख २८ हजार निधन १० हजार ७ सय नाघेको छ ।
कुल संक्रमित मध्ये ५ लाख
४६ हजार बढी निको भएर डिस्चार्ज हुँदा ११ सय ३३ जना बिरामी गम्भिर अवस्थामा रहेको
सरकारी तथ्यांकमा उल्लेख छ ।
Comments
Post a Comment