यस्ता छन् जापान प्रवेशमा नेपाललाइ लाएका प्रतिबन्ध नियमहरू, ताजा परिवर्तित नियमहरु हेर्नुहोस् सम्पुर्ण जानकारी ।

 

टोकियो ।

 

जापानले फेरि ईण्डियामा पहिलो पटक पत्ता लागेको कोरोना भाइरसबाट प्रभावित देशहरूबाट आगमनका लागि ‘क्वारिन्टिन’ उपायहरू कडा गरेको छ ।

 

ईण्डियाबाट शुक्रबार अर्थात् मे २८ तारिख देखि जापानमा प्रवेश गर्ने व्यक्तिहरूले १० दिनसम्म सरकारले तोकेको सुविधामा अलग्गै बस्नुपर्नेछ । यहि नियममा नेपाललाई पनि राखिएको छ । सोही दिनको शुरुवातबाट अन्य धेरै देशका यात्रुहरूलाई तीन दिनसम्म ‘क्वारिन्टिन’ गर्न सरकारले छनौट गरेको सुविधामा, अधिकारीहरूलाई अद्यावधिक उपलब्ध गराउन र थप परीक्षणहरू गर्नुपर्ने नियम तोकेको छ।

 

भर्खरै लागू गरिएको नियम ‘डबल म्युटेन्ट’ कोरोना भाइरस ‘भेरियन्ट’को प्रसारमा भएको बृद्धिको एक हिस्सा हो, जुन गत वर्ष ईण्डियामा फेला परेको थियो र यो संक्रमण जापानमा समेत २ सय भन्दा बढी व्यक्तिमा फेला परिसकेको छ ।

 

जापान सरकारका शिर्ष प्रवक्ता खाचुनोबु कातोले यस बारेमा स्पष्ट पार्दै भनेका छन् ‘सरकारले प्रत्येक मुलुकमा संक्रमणको अवस्थाको नजिकबाट अनुगमन गर्नेछ र जनताको चिन्ता कम गर्न आवश्यक पर्ने सबै उपायहरू लिनेछ ।’

 

यद्यपि हरेक देशमा संक्रमणको अवस्थामा निर्भर उपायहरु फरक फरक भएकाले ‘क्वारिन्टिन’ नीतिको परिमार्जनले यो महिना एक चौथाई मानिसको प्रवेश घटाउनेछ । जापान प्रवेश गर्ने को हो ? र कस्ता शर्तहरुमा उनीहरुलाई आवश्यक पर्छन् भन्ने कुरा ‘प्रोटोकल’हरुको बारेमा भ्रम बढाउने सम्भावना छ । किनभने यस्ता नियमहरु देश अनुसार र समय समयमा फेरिरहेका छन् ।

 

यहाँ मे २७ तारिखसम्म तोकिएका प्रतिबन्धहरू र संगरोध उपायहरूको भर्खरको परिवर्तनहरूको बारेमा विस्तृत जानकारी राखिएको छ ।

 

क्वारिन्टिन प्रोटोकलको कार्यान्वयन कसरी फरक हुन्छ ?

जापानले अहिलेसम्म उनीहरू आउँदै गरेका देशको अवस्थाको आधारमा आगमनका लागि बिभिन्न उपायहरू लागू गरिसकेको छ । हाल १५९ देशहरूलाई कुनै नै कुनै किसिमको यात्रा प्रतिबन्ध र ‘क्वारिन्टिन’ नियममा समेटिएको छ ।

 

सबै आगन्तुकहरूले जापानको लागि प्रस्थान गर्नु अघि ७२ घण्टा भित्रको अनिवार्य कोभिड-१९ परीक्षणको नकारात्मक नतिजा आएको रिपोर्ट पेश गर्नुपर्नेछ ।

 

त्यसपछि घर, होटल वा अन्य सुविधाहरूमा १४ दिन प्रवेश गरेपछि ‘सेल्फ क्वारिन्टिन’मा बस्नुपर्नेछ ।

 

त्यो समयको दौरान, ‘क्वारिन्टिन’ बस्नुपर्ने व्यक्तिहरूले सार्वजनिक यातायात प्रयोग गर्न सक्दैनन् र दैनिक रूपमा उनीहरूको अवस्थिति र स्वास्थ्य अवस्था ‘रिपोर्ट’ अनिवार्य रुपमा बिमानस्थल अधिकारीहरुले उपलब्ध गराएको मोबाइल ‘एप्लिकेशन’, फोन लगायत माध्यमबाट गर्नुपर्नेछ । यो नियम सबैको हकमा लागू हुन्छ ।

 

तथापि क्वारिन्टिन उपायहरु तीन वर्गमा विभाजन गरिएको छ

पहिलो सबैभन्दा कडा कदमहरू ति देशहरूमाथि लागू गरिएको छ जहाँ बि.१.६१७ ‘भेरियण्ट’ कोरोना संक्रमण फैलिएको छ र अत्यधिक व्याप्त छ । विश्व स्वास्थ्य संगठनका अनुसार यो कोरोना भाइरसको उत्पत्ति ईण्डियामा पहिलो चोटि पत्ता लागेको हो र यो हाल ईण्डियामा महामारीको रुपमा फैलिएको छ भने त्यस वरपरका नेपाल, बंगलादेश, पाकिस्तान, माल्दिभ्स लगायत कयौं देशहरुमा फैलनेक्रम जारी छ । जापानले हालसम्म यस्तो संक्रमण व्याप्त भएको देशको रुपमा १७ राष्ट्रलाई राखेको छ । यि १७ देशबाट जापान प्रवेश गर्नेले सबैभन्दा कडा नियम मान्नुपर्नेछ । सिद्धान्तत यि देशहरुबाट विशेष अवस्थामा बाहेक प्रवेश प्रतिबन्ध छ ।

 

यद्यपी टोकियो खेलहरूसँग सम्बन्धित व्यक्तिहरूमा यी उपायहरू लागू हुने अपेक्षा गरिएको छैन, किनकि उनीहरू सीमा नियन्त्रण उपायहरू बाहेकको नियममा जापान प्रवेश गर्न सक्नेछन् ।

 

सब भन्दा कडा क्वारिन्टिन उपायहरू के के हुन् ?

ईण्डिया र यसका छिमेकी देशहरूबाट यात्रीहरूको लागि प्रवेश अनुमति हाल बन्द छ । जापानी नागरिक र स्थायी बासिन्दाहरूको लागि सीमित प्रवेश दिइएको छ । उनीहरूको परिवारको लागि अपवाद बाहेक र सीमित मामिलाहरूमा विशेष परिस्थितिमा प्रवेश पाउन सक्छन् । यो नियममा समेटिएका अध्य देशमा नेपाल, बंगलादेश, माल्दिभ्स, पाकिस्तान र श्रीलंका समेत छन् ।

 

शुक्रवार देखि ती देशहरूबाट आएका व्यक्तिहरूले १० दिनसम्म होटल वा सरकारद्वारा तोकिएको आवास सुविधामा बस्नुपर्नेछ । आगमन अघि यसअघि जस्तै कोरोना भाइरसको ७२ घण्टा भित्रको नकारात्मक ‘रिपोर्ट’ पेश गर्नुपर्नेछ । साथै उनिहरूको आगमन पछि तेस्रो, छैटौं र १० औं दिनमा पनि पुन पीसीआर परीक्षण हुनेछ । यसअघि ती देशका मानिसहरूका लागि कडा निगरानी अवधि ६ दिन थियो । हाल यसलाई बढाएर १० दिन पुर्याइएको छ ।

 

१० दिनको यो अवधिमा जो व्यक्ति सरकारले तोकेका सुविधाहरूमा बसिरहेका छन् उनीहरूलाई अन्य व्यक्तिहरूसँगको सम्पर्कबाट टाढा रहन पूर्ण रुपमा कोठा भित्रै बस्न बाध्य हुनुपर्नेछ । यसमा विभिन्न कडा ​​निगरानी र नियमहरू कडाइका साथ पालन गर्नु आवश्यक छ । यो अवधिमा अधिकारीहरुले चाहेको समयमा र चाहेको पटक परीक्षण गर्नसक्नेछन् ।

 

केवल कोरोना भाइरसको नकारात्मक रिपोर्ट १० दिनपछि पाइएमा मात्र ‘क्वारिन्टिन’ अवधिको बाँकी ४ दिन उनिहरुलाई आफ्नो स्थानको सुविधा वा घरमा बस्न अनुमति दिइनेछ ।

 

अरु कसले कडा निगरानी अन्तर्गत तोकिएको सुविधाहरूमा सेल्फ क्वारिन्टिन बस्नुपर्ने आवश्यकता छ ?

बी.१.६१७ भेरियन्ट को ‘म्युटेन्ट’ कोरोना भाइरस फैलिएको क्षेत्रहरूमा केही हदसम्म खुल्ला प्रतिबन्धहरू लागू गरिएको छ । तर जहाँ यस्ता संक्रमणहरूको कम घटनाहरू ‘रिपोर्ट’ गरिएको छ र जहाँ जनसंख्याको एक ठूलो हिस्साले कोरोना भाइरस बिरुद्धको ‘भ्याक्सिन’ लगाइएको छ ।

 

यो उपाय अन्य देशहरूमा पनि लागू हुन्छ जहाँ एन५०१वाई (N501Y) नामको ‘म्युटेन्ट’ कोरोना भाइरस पाइएको छ । जुन पहिलो पटक दक्षिण अफ्रिकामा पहिचान गरिएको थियो । यसैगरि बि.१.१.७ (B.1.1.7) नामको ‘म्युटेन्ट’ कोरोना भाइरस जुन बेलायतमा पत्ता लागेको थियो । यि दुवै ‘भेरियन्ट’हरू प्रारम्भमा विश्वभर फैलिएको कोरोना भाइरसको तुलनामा बढी संक्रामक रुपमा फैलने र जोखिम समेत उच्च मानिन्छ ।

 

ती क्षेत्रका यात्रीहरूले तीन दिनको लागि तोकिएको सुविधामा ‘क्वारिन्टिन’ बस्नुपर्नेछ । यो समयमा उनीहरूको दैनिक स्थिति रिपोर्ट अत्यावश्यक छ । उनीहरू आगमनको पहिलो र तेस्रो दिनमा कोभिड-१९ का लागि परीक्षण गरिनु पर्छ । यदि परीक्षण नकारात्मक छ भने, आगन्तुकहरू त्यसपछि १४ दिनका लागि घर वा अन्य सुविधामा ‘सेल्फ क्वारिन्टिन’ बस्नुपर्नेछ । सो अवधिको पनि दैनिक र मागेको समयमा स्वास्थ्य अवस्था विवरण उपलब्ध गराउनुपर्नेछ । ‘होम क्वारिन्टिन’को नियम सबै देशबाट आउनेहरुको हकमा एउटै रहेको छ ।

 

हाल यस नियमले समेटिएका केही देशहरूमा फिनल्याण्ड, फ्रान्स, ग्रीस, आयरल्याण्ड, जोर्डन, नेदरल्याण्ड, पोल्याण्ड, डेनमार्क र बेलायत रहेका छन् ।

 

काजकिस्तान र ट्युनिसिया सूचीमा हालै थप गरिएको छ र यो उपाय शुक्रवारदेखि दुई देशहरूमा लागू भएको छ ।

 

नयाँ कोरोना भाइरस भेरियन्ट रिपोर्ट नगरिएका देशहरूबाट आगमनका लागि कस्ता क्वारिन्टिन उपायहरू लागू गरिएको छ ?

 

अन्य देशहरूबाट आएका व्यक्तिहरूले पनि यो प्रतिज्ञा गर्नु पर्छ कि उनीहरूले ‘क्वारिन्टिन प्रोटोकल’को पालना अनिवार्य गर्छन् । तर तिनीहरू घर वा उनीहरूको रोजाइको अन्य ठाउँमा १४ दिनको अवधिमा ‘सेल्फ क्वारिन्टिन’ अर्थात् अलग्गै बस्नुपर्दछ ।

 

को हाल जापान प्रवेश गर्न सकिन्छ ?

सिद्धान्तत, जापानी नागरिकहरू र वैध निवास स्थिति सहितका बासिन्दालाई जापानमा पुन प्रवेश गर्न अनुमति दिइन्छ । यद्यपि निश्चित सर्तहरू अन्तर्गत प्रवेश पूर्वको स्वास्थ्य परीक्षण र प्रवेश पछिको संगरोध परीक्षण नियममा रहेर मात्र ।

 

नेपाल, ईण्डिया, बंगलादेश, माल्दिभ्स, पाकिस्तान र श्रीलंकाबाट अपवादमा मात्र केही व्यक्तिले प्रवेश पाएका छन् । किनकी अहिले ती स्थानहरूमा ‘डबल म्युटेन्ट’ संक्रमणसँगै बढी संख्यामा संक्रमण फैलिएको छ ।

 

अर्को सूचना नभएसम्म जापानले सबै विदेशी नागरिकहरुलाई यि देशबाट प्रवेशमा रोक लगाएको छ । यद्यपि, कडा प्रतिबन्ध लगाउनु अघि जापान छोडेकाहरूलाई फर्कने अनुमति दिइने जापान सरकारले बताएको छ । यसमा कडा प्रतिबन्ध लगाएको समयमा उल्लेखित देशमा नै रोकिनुपर्दा भिषा अवधि सकिएकाहरुलाई प्रवेश सहज बनाइने बताएपनि प्रक्रिया खुलाइएको छैन ।

 

जापानले पछिल्लो समय नयाँ भिषा बाहकलाई केही खुल्ला गरेको थियो । तर देशमा कोरोना भाइरसको संक्रमण उच्च पाइएपछि जनवरीमा फेरी सिमा उपाय कसिलो बनाइएको छ ।

 

जापानले छोटो अवधिको यात्राका लागि पर्यटक र अन्य प्रकारका भिषा जारी रोक्दा गत बर्षदेखी नै जापान भित्र प्रवेश असम्भव बनेको छ ।

 

पर्यटकहरू महामारीको अवधिमा प्रवेश पाउन सक्षम भएका छैनन्, र त्यो नियम संक्रमणको अवस्था जारी रहुन्जले यथावत रहने ठानिएको छ ।

 

ओलम्पिकको लागि अलग्गै नियम

यसै बीच, यस बर्षको टोकियो ओलम्पिक र पाराओलम्पिकमा भाग लिइरहेका खेलाडीहरू र खेलसँग सम्बन्धित स्टाफहरू प्रवेश निषेधबाट मुक्त छन् । उनीहरूलाई प्रस्थान गरेदेखी १४ दिन ‘क्वारिन्टिन’ बस्नुपर्ने नियमबाट अलग राखिएको छ ।

 

यद्यपि ओलम्पिक सम्बन्धी सबै आगन्तुकहरूले जापान प्रस्थानको ९६ घण्टा भित्र दुई दिन एक एक पटक कोरोनाको परीक्षण गरेको हुनुपर्नेछ । र नतिजा नकारात्मक आवश्यक छ । आगमन पछि पहिलो दुई हप्ता खेलाडीहरू र प्रशिक्षकहरूको आवागमन तथा अभ्यास स्थानहरू जस्ता क्षेत्रमा जान प्रतिबन्धित गरिएको छ । तिनीहरूको आवधिक रुपमा दैनिक र्यालको माध्यमबाट कोरोना परीक्षण हुनेछ ।