टोकियो, जापान ।
टोकियो महानगर सरकारले
टोकियो ओलम्पिक आयोजना हुने समय योयोगी पार्कमा सार्वजनिक प्रवेशमा रोक लगाउने
भएको छ ।
महानगरपालिका सरकारको
घोषणा अनुसार ओलम्पिक खेलको समयमा योयोगी पार्क ओलम्पिक खेल प्रतियोगिता संचालन
क्षेत्र अन्तर्गत समेटिएको छ ।
पार्कमा सार्वजनिक अवलोकन
प्रवेश बन्द गरिनुको कारण प्रहरी र अग्निनियन्त्रकहरुलाई अर्को महिनादेखि योयोगी
पार्कमा कोरोनाको खोप दिइने कार्यतालिका छ । जुन समय ओलम्पिक खेलको अवधिमा पर्दछ ।
यसबारेको जानकारी टोकियो
महानगरसभाको बैठकमा टोकियो महानगर ओलम्पिक र पाराओलम्पिक तयारी ब्यूरोका महानिदेशक
रिन्जी नाकामुराले गराएका हुन् ।
योजना अनुसार योयोगी
पार्कमा सार्वजनिक अवलोकन टोकियो ओलम्पिकको समयमा रद्द हुनेछ, जुन अर्को महिनाको २३ तारिखबाट अगष्ट ८
तारिखसम्म बन्द रहनेछ ।
यो समयमा टोकियो महानगरले
प्रहरी र अग्निनियन्त्रकहरुका लागि खोप स्थलको रुपमा पार्कको प्रयोग गर्नेछ ।
अर्कोतर्फ, पाराओलम्पिकको क्रममा योयोगी पार्कमा सार्वजनिक
अवलोकन के गर्ने भन्ने कुरा खोपको प्रगति र खेल संचालनको अवस्थालाई हेरेर बिचार
गरिने महानिर्देशक नाकामुराले बताए ।
Comments
Post a Comment