मतदातालाई पैसा र फूल दिने जापानका पूर्व मन्त्रीलाई ४ लाख जरिवाना, तीन बर्ष चुनावमा रोक

 

टोकियो, जापान ।

टोकियो अदालतले जापानका पूर्व व्यापारमन्त्री ईशु सुगावारालाई ४ लाख जापानी येन जरिवाना र निर्वाचन गतिविधिमा तीन बर्षको लागि रोक लगाएको छ ।

जापानको निर्वाचन कानूनको उल्लंघन गरेको भन्दै आफ्नो निर्वाचन क्षेत्रमा मतदातालाई पैसा र फूलहरू पठाएकोमा पूर्व व्यापारमन्त्री ईशु सुगावारालाई ३५ सय डलर जरिवाना गरेको अदालतका अधिकारीहरूले बताएका छन् ।

'टोकियो समरी कोर्ट'ले सुगावाराको भोट दिने अधिकारलाई निलम्बन गर्ने वा सार्वजनिक कार्यालयको लागि तीन बर्षको लागि निलम्बन गर्ने आदेश पनि दिएको छ ।

जुन ८ मा अभियुक्तहरूले सुगावाराको बिरूद्ध अभियोग जारी गरेका थिए । प्रधानमन्त्री योशीहिदे सुगाको नेतृत्वमा रहेको सत्तारुढ लिबरल डेमोक्र्याटिक पार्टी पूर्व मन्त्रीहरुसंग सम्बन्धित यस्तै घोटालाहरूको आरोपमा फसिरहेको छ । गत साता मात्र पूर्व कानुन मन्त्री यस्तै भोट गरिद काण्डमा दोसी ठहर भएका थिए ।

५९ वर्षीय सुगावाराले छोटो समयका लागि तत्कालिन प्रधानमन्त्री शिन्जो आबे नेतृत्वको सरकारमा २०१९ मा अर्थव्यवस्था, व्यापार र उद्योग मन्त्रालय सम्हालेका थिए । उनले जुन २ मा एलडिपि पार्टी परित्यागसँगै भोलीपल्ट प्रतिनिधि सभाबाट समेत राजीनामा गरेका छन् ।

अभियोगमा भनिएको छ, सुगावाराले कूल ५३०,००० येन शोक र बधाईको लागि पैसाको रूपमा दान गरेका थिए । २७०,००० येन फूल खरिदमा खर्च गरेका थिए जुन रकम ३३ वटा संस्था र २६ व्यक्तिलाई दिइएको थियो ।

सार्वजनिक कार्यालय निर्वाचन कानूनको त्यस्तो उल्लंघनमा सामान्यतया भोट दिने वा चुनावमा भाग लिन पाउने अधिकार ५ बर्षको लागि निलम्बन हुने गर्दछ । यद्यपि अदालतहरूले यसलाई छोटो अवधिमा झारेर फैसला गर्न सक्ने कानून अनुसार तीन वर्षको समय तोकिएको छ ।

अदालतको फैसलापछि पूर्व मन्त्री सुगावाराले एक विज्ञप्तिमा आफूले गरेको कामलाई 'गम्भीरतापूर्वक र गम्भिर पश्चाताप' गरेको उल्लेख गरेका छन् ।