टोकियो, जापान ।
जापान सरकारले कोरोना
भाइरसको संक्रामक प्रकार आयात रोक्न सीमामा नियन्त्रण बढाएको छ । सरकारको यस
नीतिका कारण जापानमा गत हप्ता हजारौं भियनतामी अलपत्र परेका थिए । शनिबार उद्धार
विमान चढेर सयौं भियतनामीहरु स्वदेश फर्किन नारिता विमानस्थलमा जम्मा भएका थिए ।
बिरामी, गर्भवति
भएकालगायत विशेष खालको अवस्था भएका नागरिकरुलाई स्वदेश फिर्ता लैजान भियतनाम
सरकारले उडान गर्दै आएको थियो । तर मध्य मे मा जापान सरकारले प्रवेशसम्बन्धी
नियममा कडाई गरेपछि यो सेवा स्थगित भयो । शनिबार प्राविधिक प्रशिक्षार्थी र
विद्यार्थी समेत करीब ३०० भियतनामी नागरिकहरु करीब तीन हप्तामा पहिलो पटक सञ्चालन
गरिएको उद्धार सेवामार्फत घर फर्किए ।
आफू करीब एक वर्षदेखि घर
फर्किन चाहेको र अन्ततः आफूले आफ्नो प्रेमिका र मातापितालाई भेट्न पाउने भएकोले
खुसी रहेको एक विद्यार्थीले बताए । टिकट नपाएका कयौं मानिसहरु अरुले रद्द गरेको
टिकट पाइन्छ कि भनेर चेक–इन काउन्टर नजिक जम्मा भएका थिए ।
गत महीनाको अन्त्यसम्म
करीब ७ हजार भियतनामीले स्वदेश फर्किने इच्छा देखाएको भियतनामी दूताबासले बताएको छ
। तर यस महीना उद्धारका लागि कुनै पनि उडान भएन । जापान सरकारले भियतनाममा पाइएको
कोरोना भाइरसको संक्रामक प्रकार फैलिन नदिन सिमामा थप कडाई गर्दैछ ।
शुक्रबारदेखि लागू हुने
गरी त्यहाँबाट आउने यात्रीहरु कूल १४ दिनको क्वारन्टिन अवधिमध्ये ६ दिन सरकारले
तोकेको स्थानमा बस्नु पर्नेछ अनि दुई पटक कोरोना भाइरसको संक्रमणको परीक्षण गराउनु
पर्नेछ ।
Comments
Post a Comment