जापानमा एक नेपाली होटलमा मृत फेला

 

टोकियो, जापान ।

जापानको राजधानी टोकियोमा एक नेपाली पुरुष होटलमा मृत फेला परेका छन् ।

जापानसमाचारलाई प्राप्त जानकारी अनुसार नेपाल बाग्लुगं जिल्ला गल्कोट घर हुनुभएका राजन बुढाथोकी मृत भेटिनुभएको हो ।

राजधानी टोकियो स्थित शिन्जुकुको एक होटलमा बुढाथोकी जुन २३ तारिख मृत भेटिनुभएको हो । जुन २२ तारिख रात होटलमा बास बसेका बुढाथोकी २३ तारिख बुधवार बिहान होटलको कोठाबाट ननिस्केपछि कर्मचारीले कोठा चेक गरेका थिए । सो क्रममा हरि नामले परिचित बुढाथोकी मृत भेटिएको बताईन्छ ।

प्रहरीले बुढाथोकीको मृत्युको कारण आफैंले ज्यान लिनु भएको बताएको छ । जापान दक्ष सिप अन्तगर्त कुक पेशामा रहनुभएका बुढाथोकीको श्रीमती केही महिनाअघि मात्र नेपाल फर्किनुभएको बुझिएको छ ।

श्रीमती नेपाल पठाएपछि केही समय यता एक साथीसँगै बस्दै आउनुभएका बुढाथोकी केही दिनयता बस्दै आएको कोठामा पनि नगएको पाइएको छ ।

मृतक बुढाथोकीको शव हाल प्रहरी नियन्त्रणमा रहेको र प्रहरीले घटनाको छानविन गरिरहेको बताईएको छ ।