टोकियो, जापान ।
ओलम्पिक र पाराओलम्पिक
खेलहरूमा टोकियो आयोजक समितिले कूल ५३,००० अधिकारी र अन्य खेल सम्वद्ध व्यक्तिहरुलाई
जापान प्रवेश दिने अनुमान गरिएको छ । यो आंकडामा खेलाडीहरुलाई समावेस गरिएको छैन ।
यो संख्या संक्रमणकालिन स्थिति नभएको भए १ लाख ८० हजारको रहेको थियो । तर कोभिड
संक्रमण यथावत रहँदा गत महिना अनुमान गरिएको भन्दा थप २५ हजार संख्या घटाइएको छ ।
अन्तर्राष्ट्रिय ओलम्पिक
समितिका सदस्यहरू, उनीहरूका परिवारहरू र प्रत्येक अन्तर्राष्ट्रिय
खेल महासंघका कार्यकारीहरू लगायत करीव ४१ हजार व्यक्ति जापान आउनेछन् । यसैगरि
पाराओलम्पिकमा १२ हजार खेल सम्वद्ध अधिकारीहरु जापान आउने अपेक्षा गरिएको छ ।
आयोजक समितिले खेलहरू
सरलीकृत गर्ने प्रयासको रूपमा मेको अन्तमा अधिकारीहरूको अनुमानित संख्या घटाएर ७८
हजारमा सिमित बनाएका थिए ।
ईण्डिया र अन्य देशका
खेलाडीहरूका लागि खेल आयोजक समितिले कडा कदम चाल्ने घोषणा गरेको छ । जसका लागि
जापानले कोरोना भाइरस भेरियन्टको प्रसारको बीच सीमा प्रतिबन्धहरू कडा बनाएको छ ।
त्यस्ता देशका
खेलाडीहरुले जापान प्रस्थान गर्नु अघि सात दिन दैनिक कोभिड परीक्षण गर्नु पर्ने
हुन्छ र तीन दिनसम्म अन्य देश र क्षेत्रका प्रतिनिधिहरूसँग एकसाथ तालिम लिन
पाउनेछैनन ।
यो सूचिमा ईण्डिया सहित
नेपाल, पाकिस्तान, श्रीलंका लगायत ईण्डियन संक्रामक भाइरस फैलिएका
देशहरु समावेश हुनेछन् ।
Comments
Post a Comment