टोकियो, जापान ।
टोकियो ओलम्पिक तथा
पाराओलम्पिक खेल प्रतियोगिता स्थलमा खटिने चिकित्सकहरुले एकपछि अर्को गरि नाम
फिर्ता लिन थालेका छन् ।
टोकियो ओलम्पिक तथा
पाराओलम्पिक आयोजक समितिको योजना अनुसार प्रत्येक प्रतियोगिता स्थलमा चिकित्सक
अधिकारी तैनाथ गरिनेछ । जसलाई विएमओ नाम दिइएको छ ।
यि अधिकारीले आपतकालिन
अवस्था, आतंककारी हमला वा अन्य
स्वास्थ्य कारणले दर्शक अकस्मात बिरामी परेमा आपतकालिन चिकित्सक सेवा उपलब्ध गराउन
निर्देशन दिन्छन् ।
तर विशेष श्रोतलाई उद्दृत
गर्दै एनएचके समाचार संस्थाले उल्लेख गरे अनुसार एक पछि अर्को गरि हालैका दिनहरुमा
चिकित्सकहरुले उक्त नियुक्तीबाट आफ्नो नाम फिर्ता लिन थालेका छन् । यसमा धेरैजसो
चिकित्साकर्मीले सामान्य कामले आफुहरु व्यस्त हुनपुगेकाले समय दिन नसक्ने बताएका
छन् ।
आयोजक समिति ओलम्पिक
आयोजनाको करिव २ महिना समय बाँकी रहँदा चिकित्सकहरुले राजिनामा दिन थालेपछि दबावमा
परेको छ । आयोजकले रिक्त स्थानमा नयाँ पदपूर्तिको प्रयास गरिरहेको बताइएको छ ।
समितिले गत महिना जापान
चिकित्सक संघसँग वीएमओमा सेवा दिनको लागि ७ जना त्यस्ता चिकित्सकहरुको नाम उपलब्ध
गराएर सहयोग गर्न आग्रह गरेको थियो ।
ओलम्पिकमा खटिने
चिकित्सकहरुले भटाभट नाम फिर्ता लिन थाले
Comments
Post a Comment