टोकियोमा सर्वसाधारणले ओलम्पिक खेल प्रत्यक्ष अवलोकन गर्न नपाउने

 

टोकियो, जापान ।

टोकियो महानगर गभर्नर यूरीको कोइकेले जापानको राजधानीमा आयोजना हुने ओलम्पिक र पाराओलम्पिकका सबै प्रत्यक्ष सार्वजनिक कार्यक्रमहरू रद्द हुने बताएकी छिन् । शनिवार राजधानीमा पत्रकारहरुसँग बोल्दै गर्भनर कोइकेले कोरोना भाइरस महामारीको कारण यस्तो घोषणा गर्न लागिएको स्पष्ट पारिन् ।

प्रधानमन्त्री योशीहिदे सुगासँग वार्ता गरेपछि गर्भनर कोइकेले पत्रकारहरुलाई भने कि ६ वटा स्थलहरु जहाँ दर्शक प्रवेशमा स्क्रीनिंग गर्ने तय भएको थियो उक्त स्थानलाई कोभिड १९ खोपका लागि प्रयोग गरिने भएको छ ।

यो घोषणा टोकियो ओलम्पिकको उद्घाटन लगभग एक महिना समय बाँकी रहँदा गरिएको हो । कोरोना भाइरस सम्बन्धी सम्भावित बृद्धि बारेमा सार्वजनिक चिन्ता बढिरहँदा थप संक्रामक नयाँ भाइरसहरुको भयका बिच नयाँ कदम चालिएको हो ।

राजधानी टोकियोको योयोगि, इनोकाशिरा र हिबिया पार्क क्षेत्रमा खेल आयोजना स्थलहरू छन् । शनिवार राजधानीमा ३८८ नयाँ कोरोना भाइरस संक्रमित पुष्टि गरिएको छ ।

सुगा र कोइकेबीचको बैठक मे २१ पछि पहिलो पटक भएको हो । ओलम्पिक र पाराओलम्पिक आयोजकहरूले सोमबार एक अनलाइन बैठक गर्दैछन् । जसमा उनीहरूले खेलमा दर्शकहरूको सीमितताको निर्णय गर्नेछन् । सोही सन्दर्भमा कोइके र सुगाबिच भेटवार्ता भएको हो ।

बिहीबार टोकियो र जापानको अन्य भागहरूमा कोभिड १९ को आपतकालिन अवस्था समाप्त गर्ने निर्णय गरेपछि, सुगाले पत्रकार सम्मेलनमा बोल्दै केही दर्शकहरू खेल हेर्न प्रवेश दिने आशय व्यक्त गरेका थिए ।

जापान सरकारले भनेको छ कि आपतकाल अन्त्यपछि जापानमा ठूला कार्यक्रमहरूमा १०,००० जनासम्म प्रवेश अनुमति दिइनेछ ।

जापान सरकार र ओलम्पिक अधिकारीहरूले ओलम्पिकमा जुलाई २३ देखि पाराओलम्पिक अवधिसम्म अर्धआपतकालिन नीति लागू गर्ने विचार गरिरहेको बताइन्छ ।