जुलाई २६ बाट जापानले खोप पासपोर्ट स्वीकार्ने, प्रवेश खुल्ने अपेक्षा

 

टोकियो, जापान ।

जापानले जुलाई २६ देखि कोभिड-१९ विरोधी खोप पूरा लगाएका मानिसहरुका लागि खोप पासपोर्टका लागि आवेदन लिन थाल्ने भएको छ । सरकारको शीर्ष प्रवक्ताले आइतबार यस्तो बताएका हुन् । यस्ता प्रमाणपत्रलाई घरेलु आर्थिक गतिविधिका लगि पनि प्रयोग गर्ने कि नगर्ने भन्नेबारे पनि सरकारले बिचार गर्ने एनएचकेको एक कार्यक्रममा मन्त्री परिषद्का मुख्य सचिव खाचुनोबु कातोले बताएका हुन् ।

व्यवसायिक वृत्तहरुमा घरेलु स्तरमा पनि यस्तै खालको पासपोर्ट प्रयोग गर्न अनुरोध गरिरहेका छन् । तर आफूहरुले खोप नलगाएहरुप्रति भेदवाव गर्न वा उनीहरुलाई बाध्य बनाउन अनुमति नदिने पनि उनले बताए ।

खोपसम्बन्धी प्रमाणपत्र कुनै व्यक्तिले कोभिड विरोधी खोप पूर्ण रुपमा लगाएको छ भन्ने देखाउन नगरपालिकाहरुले जारी गरेको आधिकारिक रेकर्ड हुनेछ । यसमा बाहकको नाम, पासपोर्ट नम्बर र खोप लगाएको मिति लगायत जानकारीहरु हुनेछन् ।

प्रमाणपत्र जुलाईको अन्त्यसम्ममा जारी हुने गत महीना कातोले बताएका थिए , यो शुरुमा कागजी स्वरुपमा हुनेछ । डिजिटल स्वरुपबारे पछि मात्रै विचार गरिने बताइएको छ । यस्ता प्रमाणपत्रहरुलाई कार्यक्रममा सहभागीको संख्यामा लगाइएको सीमा हटाउन वा रेस्टुरेन्टहरुमा छूटका लागि प्रयोग गर्न प्रस्ताव जापानको सबैभन्दा ठूलो व्यापारिक समूह जापान विजनेश फेडरेशन (केइदान्रेन)ले गरेको थियो ।

यूरोपेली संघ र दक्षिण एशियाली देशहरुको संगठन (आशियान)ले पनि आफ्ना सदस्य देशबाट अन्तरराट्रिय यात्राका लागि खोप प्रमाणपत्र शुरु गर्दैछ । जापानले आफ्नो खोप पासपोर्टलाई इटली, फ्रान्स र ग्रिससमेत १० भन्दा बढी देशहरुमा स्वीकार गर्न लगाउन खोजिरहेको छ । खोप पासपोर्टबाहकहरुलाई क्वारन्टिनमा छूट वा क्वारन्टिन अवधि कटौतीको अपेक्षा गरिएको छ ।

तर यसबारेमा जापानले बिदेशी यात्री प्रवेशमा दिईने छुट लगायका विषयमा स्पष्ट विवरण बाहिर ल्याईसकेको छैन ।