टोकियोमा यात्रा गर्दा ख्याल गरौं, कयौं क्षेत्र ओलम्पिक खेल बाहेकको लागि प्रयोग प्रतिबन्ध

 

टोकियो, जापान ।

टोकियो २०२० ओलम्पिक खेलहरुको लागि ट्राफिक नियन्त्रण नियमहरु लागू गराउन सुरु गरिएको छ ।

टोकियो खेल सवारी साधनहरूको लागि निर्धारित लेन संकेत गर्ने काम आइतबार टोकियोको कोतो वार्डमा ट्राफिक प्रतिबन्धहरू सुरु हुनुभन्दा अघि रंगाइएको छ ।

टोकियो ओलम्पिक र पाराओलम्पिक सम्बन्धित सवारिसाधनहरुका लागि तोकिएको र प्राथमिकताका लेन सोमबार टोकियो र चिबा प्रान्तमा निर्धारण गरिएको छ ।

निर्धारित लेनहरूले टोकियोको आरिआके जिल्लाको वरिपरि २.४ किलोमिटर क्षेत्र समेट्छ । जहाँ धेरै खेलका स्थानहरू केन्द्रित छन् । शिन्जुकु वार्डमा रहेको राष्ट्रिय रंगशाला र चिबा शहरको माकुहारी मेस्से त्यस्ता विशेष क्षेत्रमा पर्दछन् ।

सेतो अक्षरमा लेखेर तोकिएका निर्धारित लेनहरू केवल ओलम्पिक खेल सम्बन्धित गाडीहरूका लागि मात्र खुला गरिएका छन् । अर्थात् अन्य सवारी साधनले प्रयोग गर्न पाउदैनन् । सामान्य वाहनहरूले त्यस्तो क्षेत्रमा यात्रा गर्दा बाटोको दायाँ क्षेत्र प्रयोग गर्नुपर्दछ ।