नेपाल बाट जापान प्रवेश गर्नेहरुका लागि क्वारेनटाइन अबधि १० दिनबाट ६ दिनमा झारियो तर प्रवेश प्रतिबन्ध भने कायमै

 

टोकियो ।जापानको विदेश मन्त्रालयले जापान प्रवेश गरेपछि नेपालीहरुका लागि अनिवार्य गरेको १० दिनको क्वारेनटाइन अबधि ६ दिनमा झार्ने निर्णय गरेको छ ।

 

विदेश मन्त्रालयले एक सूचना जारी गर्दै नेपाल सहित भारत, जाम्बिया, श्रीलंका र माल्दिप्स बाट जापान प्रवेश गर्ने नागरिकहरुलाई विमानस्थलमा अनिवार्य गरिएको क्वारेनटाइन अबधि ६ दिनमा झार्ने जानकारी गराएको हो ।

 

नया निर्णय अनुसार जापान प्रवेश गरे पछि पहिलो पटक ३ दिनका दिन र दोश्रो पटक ६ दिनका दिन पिसीआर परिक्षण गरिनेछ । दोश्रो पटक ६ दिनका दिन गरिएको परिक्षणमा कोरोना नेगेटिभ देखिएको खण्डमा विमानस्थलको क्वारेनटाइन बाट छुटकारा मिल्नेछ तर घरमा फेरी १४ दिन क्वारेनटाइन अनिवार्य बस्नुपर्ने हुन्छ ।

 

बेलायत, पाकिस्तान, मलेसिया र रसिया बाट जापान प्रवेश गर्नेहरुले पनि अब बिमानस्थलमा ६ दिन मात्रै क्वारेनटाइन बसे पुग्छ । 

तर ६ दिनका दिनमा गरिएको परिक्षणमा कोरोना पोजेटिभ देखिएमा क्वारेनटाइन अबधि लम्बिन सक्नेछ ।

 

माथि उल्लेखित देशहरुबाट जापान प्रवेश भने खुल्ला नगरी पनि क्वारेनटाइन नीतिमा परिवर्तन गरिएको हो । परिवर्तित क्वारेनटाइन नीति १४ गते बाट (१३ गते राति १२ बजेदेखि) लागु हुने विदेश मन्त्रालयले जनाएको छ ।