टोकियो, जापान ।
गएको साता हालसम्मकै उच्च
२० हजार बढी कोरोनाका संक्रमित घरमा उपचार गराउनुपर्ने अवस्थामा पुग्दा जापानमा
यस्ता बिरामीको संख्या १ लाख पार गरेको छ ।
यहाँको स्वास्थ्य, श्रम तथा कल्याण
मन्त्रालयको तथ्यांक अनुसार हाल जापानमा १ लाख १८ हजार भन्दा बढी कोरोनाका बिरामी
घरमा नै उपचाररत छन् । यो संख्या अघिल्लो साताको तुलनामा २० हजारले बढी हो ।
मन्त्रालयका अनुसार
कोरोना भाइरस संक्रमित भइ घरमै उपचार पाउने मानिसहरुको संख्या अगष्ट २५ सम्ममा यो
संख्या पाइएको हो । जुन अहिलेसम्मकै धेरै हो ।
स्वास्थ्य मन्त्रालयले
प्रिफेक्चरद्वारा बेडको उपयोग दर र बिरामी हेरचाह केन्द्रहरुको ताजा स्थितिको
बारेमा जानकारी गराएको छ ।
जस अनुसार अगष्ट २५ सम्म कोरोना भाइरसबाट संक्रमित भइ घरमा उपचार गरीरहेका मानिसहरुको संख्या देश भरमा १ लाख १८ हजार ३५ रहेको छ ।
देशमै १००,००० भन्दा बढी घरमा नै उपचाररत कोरोनाका बिरामी
नाघेको पहिलो पटक हो ।
मन्त्रालयले अघिल्लो
साताको तुलनामा यस्ता बिरामीको संख्यामा २२ प्रतिशतले बृद्धि भएको जनाएको छ ।
यो एक महिना पहिले जुलाई
२८ को तुलनामा ६ गुणा भन्दा धेरै हो ।
जस अनुसार राजधानी
टोकियोमा सर्वाधिक २५ हजार ४५ जना पाईंदा यहाँ गत साताको तुलनामा २,८७४ ले बढेको छ ।
खानागावा प्रान्तमा १५,२०३ रहेको छ ।
यहाँपनि गत साताको तुलनामा २१ सय ९९ जना थपिएका छन् ।
अर्को शहर ओसाकामा १४,७३२ रहँदा
सर्वाधिक ५६ सय ९३ जना एकै हप्तामा थपिएको छ ।
आईचि प्रान्तमा ९३ सय ४३
जना पुग्दा पछिल्लो साता ५३ सय ५६ जना थपिएका छन् ।
यसैगरि साइतामा प्रान्तमा
पनि यो संख्या उच्च रहेको र संख्या समायोजनको काम भइरहेको स्वास्थ्य मन्त्रालयले
बताएको छ ।
देशभर हाल होटल र अन्य
आवासमा चिकित्सा उपचार प्राप्त गर्ने मानिसहरु को संख्या १९ हजार ९ सय ३७ रहेको छ
। हप्तादिनको बिचमा १९ सय ७ जना यस्ता लक्षण सहितका उपचार आवश्यक बिरामी बढेको र
गत महिनाको तुलनामा २.४ गुणाले बृद्धि भएको मन्त्रालयले बताएको छ ।
यसबाहेक, अस्पताल भर्ना
स्वीकृति समायोजन गरीरहेकाको संख्या २८ सय २ जना रहेको छ । जुन अघिल्लो हप्ताको
तुलनामा १.५ गुणाले बढेको र अघिल्लो महिनाको तुलनामा ४.९ गुणाले बढी हो ।
ह्योगो प्रान्तमा ८६२ जना, कागावा प्रान्तमा
४७३ जना, कुमामोतो प्रान्तमा ४०८ जना र टोकियोमा ३७२ जना मानिसहरु
अस्पतालमा भर्ना भएर चिकित्सकिय उपचार लिइरहेका छन् ।
Comments
Post a Comment