टोकियो शिन्जुकु वार्डमा रेष्टुराँ कामदारलाई बिशेष खोप सुरु गरिंदै

 

टोकियो, जापान ।

टोकियोको शिन्जुका वडाले रेष्ष्टुराँ काम गर्ने कामदारहरुलाई कोभिड-१९ विरोधी खोप लगाउने भएको छ । वडाले स्थानीय बासिन्दा नभएका कामदारहरुलाई पनि खोप लगाउने भएको हो ।

सेप्टेम्बर ६ देखि मध्य–डिसेम्बरसम्म आफूहरुले वडामा खोप स्थल स्थापना गर्ने अधिकारीहरुले बताएका छन् ।

 वडाभरका रेष्टुराँ र क्याफेमा काम गर्ने कामदारहरुले खोप लगाउन सक्नेछन् ।

तर उनीहरुसँग आफ्नो नगरपालिकाले दिएको खोप टिकट भने हुनु पर्नेछ । शिन्जुकाका ठूला व्यवसायिक क्षेत्रका रेष्टुराँ र क्याफेमा काम गर्ने कामदारहरु खोप लगाउन आउँछन् भन्ने आशा वडाका अधिकारीहरुको छ ।

यो खोप केन्द्रमा शिशु स्याहार केन्द्र, किन्डरगार्टेन, प्राथमिक विद्यालय, कनिष्ठ उच्च विद्यालय र वृद्धवृद्धाहरुको स्याहार केन्द्रमा काम गर्नेहरु पनि खोप लगाउन पाउनेछन् । वडाका १८ वर्ष वा सो भन्दा बढी उमेरका बासिन्दाहरु खोपका लागि योग्य छन् ।

बूकिङ मंगलबारदेखि अनलाइनबाट शुरु हुनेछ । करीब १५ हजार मानिसहरुलाई खोप लगाउन आफूसँग पर्याप्त खोप हुने उनीहरुले बताएका छन् ।