सप्तकोशी नदीमा पानीको सतह , बहाव बढ्दै

 

 

निरन्तर वर्षाको कारणले गर्दा देशमा धेरै नै क्षति पुर्याएको छ  । साथै लगातारको वर्षाका कारण सप्तकोशी नदीमा पानीको सतह बढ्दो क्रममा रहेको छ ।

 सप्तरी र सुनसरी दुई जिल्ला जोडिने कोसी नदीमा, लगातार रुपमा वर्षा परेको कारणले गर्दा पानीको

 सतह बढ्दो क्रममा रहेको कोसी ब्यारेजले जनाएको छ ।

 

बुधबार बिहान १० बजे गरिएको मापन अनुसार कोसी ब्यारेजमा दुई लाख ६१ हजार क्युसेक पानीको बहाव रहेको ब्यारेजस्थित नियन्त्रण कक्षले जनाएको छ । 

अझै पनि पानी परिराखेको वर्षा पानीको बहाव बढ्ने क्रममा नै रहेको कोसी ब्यारेज प्रशासनले जनाएको छ ।

ब्यारेजका ५६ मध्ये ४२ वटा ढोका भने खोलिएका छन् ।

 पानीको बहाव बढेपछि आवश्यकता अनुसार थप ढोका खुला गरिने ब्यारेज प्रशासनले जनाएको छ ।

साथै यसैबीच जिल्ला प्रशासन कार्यालयले नदीको तटीय क्षेत्र र आसपासका बासिन्दालाई सतर्क रहन र सम्भावित जोखिमलाई ध्यानमा राख्दै उच्च सतर्कता अपनाउन आग्रह गरिएको छ ।