टोकियोमा बसाई सरेर आउने भन्दा बाहिरिनेको संख्या धेरै

टोकियोको २३ वडाभित्र सन् २०२१ मा बसाई सरेर आउनेलाई यहाँबाट बसाई सरेर अन्यत्र जानेको संख्याले उछिनेको छ ।

   

आन्तरिक मामिला मन्त्रालयले जनवरी २८ मा सार्वजनिक गरेको जनसंख्या प्रतिवेदनले यस्तो बताएको भन्दै आसाही शिम्बुनले बुधबार समाचार छापेको छ ।  कोरोना भाइरसको महामारीबीच टोकियोको केन्द्र भागबाट अन्यत्र बसाई सरेर जाने क्रम बढेको छ ।

प्रतिवेदनअनुसार गत वर्षभर राजधानीको मध्य भागमा रहेका वडाहरुमा खूद कमी १४ हजार ८२८ रहेको छ । ती क्षेत्रमा जनसंख्या घटेको यो सन् १९९६ यता यो नै पहिलो पटक भएको बताइएको छ । सन् २०१४ मा २३ वडामा बसोबास गर्ने गैर–जापानी बासिन्दाहरुलाई पनि सो प्रतिवेदनमा समावेश गर्न थालिएको थियो ।

त्यसयता टोकियोबाट बाहिरिनेको संख्याले यहाँ भित्रिनेको संख्यालाई उछिनेको सन् २०१४ यता यो पहिलो पटक हो । सन् २०२० को शुरुमा कोरोना भाइरसको महामारी शुरु भएदेखि नै यो टोकियोको २३ वडाबाट भित्रिने भन्दा बाहिरिने धेरै देखिन थालेको हो । टोकियो भर भने बसाई सरेर अन्यन्त्र जानेको तुलनामा बसाई सरेर आउनेको संख्या धेरै छ ।

सन् २०२१ मा टोकियोको खूद जनसंख्या ५ हजार ४३३ ले बढेको थियो । बढी छ । तर यो वृद्धि अघिल्लो वर्षको तुलनामा निकै कम हो । सन् २०२० मा टोकियोको खूद जनसंख्या २५ हजार ६९२ ले बढेको थियो ।

प्रतिवेदनअनुसार २३ वडाबाट बसाई सरेर खानागावाको चिगासाकी र फुजिसावा, साइतामा प्रिफेक्चरको अगेओ र इबाराकीको सुकुबामा जानेको संख्या उच्च छ ।