"बुधबारबाट जापानको यि क्षेत्रमा भारी हिमपात हुने अनुमान"

 

 

सी अफ जापानतर्फ रहेका जापानका क्षेत्रहरुमा बुधबार र बिहबार भारी हिमपात हुने अनुमान गरिएको छ । मौसम विभागका अनुसार सी अफ जापानमा बुधबारदेखि बिहिबारसम्म विकास हुने न्यून चापिय प्रणालीका कारण चिसो वायुको थुप्रो ल्याउनेछ ।

 

यसले बुधबारदेखि होकुरिकु क्षेत्र र निगाता प्रिफेक्चरमा भारी हिमपात गराउने विभागले बताएको छ । बिहिबार भने सी अफ जापानको तटतर्फ रहेका पश्चिमी क्षेत्रमा भारी हिमपात हुनेछ ।

 

मौसम अधिकारीहरुले सर्वसाधारणलाई भारी हिमपातले सवारी आवागमनमा अवरोध उत्पन्न गराउन सक्ने वा हिम पहिरो नै जान सक्ने अवस्थाप्रति सतर्क रहन अनुरोध गरिरहेका छन् । देशको पूर्वी र पश्चिमी क्षेत्रमा सी अफ जापानतर्फ रहेका क्षेत्रमा ठूलो छाल आउने सक्ने भविष्यवाणी पनि मौसम अधिकारीहरुले गरेका छन् ।

मंगलबारदेखि नै होकुरिकु क्षेत्र र तिगाता प्रिफेक्चरमा वायुमन्डलीय अवस्था अस्थीर रहन सक्ने पनि बताइएको छ । सर्वसाधारणहरुलाई मेघ गर्जन, तीव्र हावाहुरी र आँधी प्रति सतर्क रहन सुझाव दिइएको छ ।